Sokker

Ons bly in die enigste staat waar daar net AFL(footy) gespeel word en geen rugby, en dit nou op Sondae, so ons het besluit om die tweetjies bietjie iets te laat doen behalwe gimnastiek. Daar skryf ons hulle in vir bietjie sokker maar dit was een groot floppie. Renier duik op die bal, tel dit op en tackle vir Eduard die heeltyd. Shame, hulle het selfs in die reen gespeel, moet sê hulle het nogal daarvan gehou.

Elke keer as daar nou teen mekaar gespeel word is die twee boeties heel aan die ander kant van die veld besig om mekaar te tackle en te stoei in plaas daarvan om die bal te gaan skop. Ons dog toe Eddie is nog so bietjie klein en trek net Renier se aandag af, maar nou sonder sy boetie tackle hy die ander maatjies.

Ons het maar die sokker gestop en sal maar wag totdat ons eendag na 'n ander staat toe trek sodat hy bietjie kan Rugby Union, soos hulle dit hier noem, speel.